引用:
作者: X&Y
強烈建議研究一下換左個頭帶
官方個個都得, 亦有好多3rd party 方案都好舒適
同埋面罩部份都可以研究下, default 完全封唔到亞洲人個鼻見晒光
|
頭帶仲頂到,因為未長玩,好似 fitXR 呢類「動作」game,正式條 Elite Strap 都幾貴,但係因為有用家條帶出現裂開嘅問題,好似無得賣咗一排,有返未要 check 一 check。面罩下面真係「走晒光」,有人強力推介 VRCover 啲罩,訂咗套平啲嘅矽膠嘅,到咗再講。
ーーーーー
部機好明顯後面行 Android〜 電就用得兩粒鐘咁大把,睇老細點玩法,有時都幾無癮吓,有人會後面掛個流動電池(俗稱「尿袋」),又可以用嚟平衡吓。手抦各用一粒 2A 電,有人話日日玩啲電都好似無郁過,究竟可以挨幾耐未知。 加上可以用「實驗中」嘅手勢追蹤,齋用手都用到啲 menu,好多時唔洗對手抦都用到,亦幾易習慣。面罩同手抦全部用紅外線追縱,唔似 PSVR 咁要另外嘅鏡頭,真係周圍都玩得,不過唔好嚮好黑嘅地方(PSVR 用可見光反而可以),同出去戶外玩。講開,佢有個功能,拍兩三下左/右機身,會即變 pass thru 模,睇到實境,即使係扮緊 PCVR 都用到,不過完全紅外線影像,用嚟望下個芒就爭啲。