[ericwpk]

以前用 xlink 麻鬼煩煩都打成晚
而家包埋 wifi 連線好方便但打兩舖已想熄機

無他
xlink 雖然煩，但其實好完善
房名任你打，有咩房成版 list 晒出黎，房主想做乜一目了然
而且大家香港人，同聲同氣電腦打字快夾妥，好好 feel
而家 wifi 連線係容易，但硬係覺得唔爽
Search game 唔係咁就手
入到 game 又唔可以打字

以前一個人玩，真係要整幾款武器對付唔同既怪
而家，可以由頭到尾都拎住同一款
有幾多武器都好似無分別
其中一個問題係武器之間既分野越黎越細
而家 d lance 又橫掃又反擊
斧又 charge shot 又可變劍
你諗下以前拎 lance 拎大劍拎太刀
幾時出幾時收打邊到下下都要睇過度過
而家？把野high 到咪出 law ,反正太多動作可以補位,唔駛諗，容錯率太高
以前邊有咁著數？

個問題其實同 bio harzard 一樣
Bio 好玩在遇到怪個種無助感
但而家 bio sell 既係爽快感，無雙咩 ？？
改到天花龍鳳
但破壞左原本個種簡潔美
不過所有續作都會有呢個通病吧…………………………