[權愛真]

世界同故事系列，正如巴打你所講，各有各既種種問題。
簡單黎講，唔係唔玩得落手，B社亦擺明只係針對我地呢d忠實fans向而整……
但遊戲既深度、耐玩性、誠意度等，整個遊戲質素真係乏善可陳！
其極量真係只可以話，鍾意數碼暴龍既fans，可以上手玩玩，好唔好玩就心照……
唔好話銷售量，有心睇下大家網上既玩後感就知道……。

世界同故事兩個系列，我一直都係偏後者！
因為當中叫做有部份 (以前NDS版既RPG類型) 係有RPG育成成份！
我睇係有好多人都係呢個原因。
網絡偵探 - 其實已經算係呢個數碼暴龍系列，近年評價較好既一隻，我自己亦爆左兩次機！(二周目)
人設、音樂都係有水準，其他元素就好平庸。
其他既近年作品就更加俾人插到幾乎一文不值。(之前世界系列個隻俾大家插到飛起……)
手遊……我更加唔想浪費時間講。

SLG我真係真心唔睇好，唔知呢次又係咪會被我講中……
(數碼暴龍、Pokemon等呢種條件既題材，我真係覺得浪費左好多資源…少左好多野玩。)
但我從來都好反感一d…自己鍾意玩就得，自己唔鍾意玩就鄙視鍾意玩既人。
所以就算我同身邊朋友呢次真係唔會買佢帳之餘，我都會繼續留意到時個完成品係點？
你(地)有玩既朋友又係俾咩評價…。
真係要用呢個態度，先可以得出客觀分析。

PS. 真心個句，希望數碼暴龍遊戲真係可以整返隻有水準既RPG。
如果主角仲可以用返八神太一等經典主角，我夠膽講真係可以令呢個系列有返人氣。
不過對B社，我真係唔會抱任何期望，平常心看待。