|
世界系列 (WORLD) 已經整到爛……亦好多人唔鍾意當中打鬥既方式，
同埋數碼暴龍會老死等等既設定。
剩返既故事系列 (數碼暴龍物語)，網路偵探 原來都還算可以……
但續集既 駭客追憶 ，真係偷懶到……資源大量重覆、人設又差、劇情更退步等，
搞到我去到中前期已經無咩動力去玩。
之前話玩新類型，我同唔少人一樣，仲諗住會唔會係RPG類型……
因為數碼暴龍呢個題材，如果有心放資源去整既話，
內容有好多冒險、好大自由度等既元素，真係好有條件會係一款好好玩既RPG遊戲。
但B社始終就係B社……
竟然整個SRPG捉棋出黎？ 同玩格鬥種類一樣，真係算了吧……。
數碼暴龍遊戲，唔玩冒險、唔玩自由、唔玩故事劇情，
今次竟然走去玩…策略……真係諗起都冷笑左出黎。
我幾鍾意數碼暴龍都好，呢次絕對係SKIP！
PS. 鍾意數碼暴龍既Fans真係慘，個動畫自從01之後，就一直爛落去…
連01既續作Tri，都整爛埋……
依家連遊戲，都無一隻係可以玩得落手…世界系列(World)和故事系列(物语)都備受各種負評，
睇黎呢款SPG類型，絕對有能力創造更差的表現成績！真係非常悲哀！
|
