引用:
作者: 權愛真
完全同路啊巴打。(雖然應該好多忠實玩家都會係咁揀)
真三四整個系列都係正！
真係唔怪得d人成日話真三系列點解仲可以出到……
真三四打後……就得真三七係有水準之作。
BGM，我亦認同有唔少真係好聽，呢方面暗榮請既人係做得唔錯。
近幾代，好似五、六代咁，點差都死剩BGM同人設方面，當中有唔少都係幾好。
但八代，連人設都走下坡……一來為左迎合大陸市場，搞到好多服裝都不倫不類，
而且d角色全部既腳都短左……(聽講，d人估佢地呢方面唔知係咪換左人畫…)
|
其實鈴木講過佢認為6-7之間個變化唔夠大，個系列要變就要重新洗牌，所以先搞個open world同埋個新動作系統出嚟。嗱，先不論改成open world好唔好，個系列要變呢樣嘢我係認同嘅，當年5代革新，正正係個舊模式用咗4次，要變，結果反應唔好，6代又回到原點，而7只係6嘅完整版，咁又兩代，如果8又係咁一樣有人覺得悶，至少我玩7已經玩到想嘔，如果8係用7嘅基礎做加強版，我就真係冇興趣，因為7本身已經係以6為基礎做出嚟，成件事已經好完整，所以暗榮先決定砍掉重練
至於今次個開放式玩法，其實唔算變咗另一樣嘢，只係轉咗個模式表達，草一樣有得你割，你唔鐘意搞無謂嘢，直接衝入去清場又得，又唔係變到GTA咁，唔明點解講到變咗唔係無雙，明明嗰種玩法係冇變，咩素材呀練等級升武器嗰堆重複要素都喺到
要鬧嘅武器模組共用一定要，但除咗呢樣其他嘢我唔太反感，始終今次係新嘗試，個地圖大而無物可以理解，open world只係個殼，裡面一樣係一個打晒，做割草機，玩無雙，最緊要都係呢樣啫
利申我會買，唔係刻意護航，呢啲我個人睇法
