丹尼爾占士要爭曼聯正選 歐國聯唔會hea踢
威爾斯國腳丹尼爾占士上個夏天，以1,500鎊(約1.5億港元)由史雲斯加盟曼聯。不過英格蘭小將格連活特嘅掘起，導致佢季尾上陣機會寥寥可數。黎緊嘅歐國聯賽事，丹尼爾占士絕對要比心機爭取好表現。
曼聯名宿以及威爾斯領隊傑斯，堅信丹尼爾占士新球季可以重返正選：「丹尼爾季尾成日冇得踢，但長遠嚟講對佢會有所幫助，只要佢繼續保持目前嘅訓練方式同態度，一切將會有所改變。」除此之外傑斯希望佢可以把握今次國際賽機會，盡快操返Fit自己:「呢個係一個好機會，畀佢嘗試拎返狀態，同埋向曼聯展示佢嘅能力。」
22歲的丹尼爾占士上季各項賽事為曼聯上陣46場，僅取得4個入球同7次助攻。佢之前仲畀曼聯球迷大插未夠班踢英超，淨係識跑，門前把握力同傳波質素都好差。
威爾斯嚟緊歐國聯會面對芬蘭同保加利亞，預計丹尼爾占士會擔任正選右翼。
