引用:
作者: chitkan
如果比條拜登贏倒
美國又變返奶共
|
我又唔覺Biden會贏到。
睇番超級星期二提名人數點票完結後,Biden只不過多Sanders 30名而已,仲有成1600個提名人去爭,而更加重要嘅係,超級星期二最大嘅州份加州由Sanders大比數勝出。Biden只能喺細小嘅保守州份或富裕州份有著數,但去到市區人口密集嘅大型州分未必對佢有利,尤其呢啲州份年輕選民居多,而呢啲年輕首投族都係比較傾向Sanders。
上次Sanders粉投訴2016初選希拉莉有黨內大佬組成嘅「超級提名人」Superdelegates票扶持,如果唔係呢啲「超級提名人」,Sanders其實係輸好少。
今次初選係將呢啲「超級提名人」剔除在外,除非無人取得過半數提名人,「超級提名人」先可以入嚟做造王者。所以Sanders粉係好搏命拉票,因為佢哋知今次係最佳機會勝出。而Biden如果贏得民主黨提名,班Sanders粉就會再次心灰意冷,今次射落海都唔會益Biden,情願比阿侵贏,等民主黨班「白左溫和派」一鋪清袋好過。
如果撇除阿侵嘅串嘴作風同出位嘅「極右」言論嘅話,Sanders其實同阿侵非常相似,都係著重美國本土產業嘅保護主義者。侵就由保護大企業著手,而Sanders就主張保障中小企同基層工人。再加上同阿侵一樣,Sanders比認為係黨內嘅異端,唔跟大隊。支持者會話係「信念貫徹始終」,反對者就話係「我行我素」。
中共情願Biden贏多過Sanders或侵呢兩件不穩定因素。