黃秋生主演劇集固然少見，但居然係喺英國ITV嘅劇集度主演就真係好奇想睇吓。仲要係大部份場景喺香港拍攝，睇得相當有親切感。
除咗黃秋生之外，曾經喺哈利波特飾演張秋嘅Katie Leung為另一個熟悉面孔，飾演黃秋生個女。
套劇原本諗住係普通嘅懸疑警匪推理劇，但居然有大量狂抽香港政治水嘅劇情，當中涉及特首選戰同黑警隱藏殺人證據，都抽得應一應。
美中不足嘅係，除咗黃秋生之外，啲華人角色都係英國嘅華裔演員嚟，講廣東話嘅口音仲重過香港啲竹昇仔。
如果閣下英文OK嘅話，只要有英國VPN，同埋去ITV網站免費登記，就可以即刻點播收睇。
呢套劇總共會有8集，所以唔算會太花時間，今個禮拜一已經出第二集。
https://www.itv.com/
再唔係自己上網搵seed同字幕組翻譯啦
