[肉羊哩咖]

Joint Expeditionary Force，係由英國帶頭，由挪威、芬蘭、瑞典、丹麥、荷蘭、冰島，同波羅的海三個聯合組成嘅快速應變部隊，2018 年開始運乍（點解？心照喇～），清一色北約國，你當文宣 propaganda 都好，當中軍容組成唔定，人數只得一萬，但都係精銳；針對緊邊位，唔需要多講。

點解北約入面又搞多個聯盟，你睇北約入面有啲「自己人」成個齊國咁款嚟咪知囉。

未必做到嗰廿萬「維和」，但組成核心部份，唔係無可能，唔好唔記得仲有波蘭未計數，佢都係有心人嚟。

離題：前兩日英海域出現疑似俄佬間諜艦，傳媒大肆報導，似乎嚮海底「摷嘢」同探查英國本土嘅「弱點」。當然有人乘機警告俄佬嘅威脅仍在。

離題 2：至於英國施生嘅前途，你仲記得波記衰咁多鑊，爆咁醜聞都坐得穩穩，唔係有「叛徒」聯合踢佢走，佢坐足五年唔出奇。除非今年真係連環爆幾個大鑊，搞到黨內好唔妥佢，因為首相先至有權提前大選，正常情況下唔會嫌張櫈唔舒服嘅，舊年財政預算鑊泡，似乎淡化咗，但近日 hit 嘅係舊年中南港壇嘢被指隱瞞，同「奸」（個㠪字唔方便寫）黨治安問題無力解決，雖然年尾有民調顯示，如果第二日舉行大選，工黨分分鐘無咗一半議席，如果施生唔郁，你奈佢唔何故噃，而佢政治前途似乜，仲係未知之數。