引用:
作者: Kinny Riddle
小弟嘗試為各位冇睇原作嘅朋友簡單整理下(無小說劇透)
1 由二期開始,右手哥因種種原因誤打誤撞下插手咗羅馬正教嘅事務(其實係理事長暗中安排)
2 羅馬正教唔忿氣,於是派人入學園都市搗亂。魔術同科學兩派對立日漸惡化,開戰只係時間問題。
3 學園都市當然亦唔會齋企响度比你羅馬正教任打。上集以「反恐維和部隊」名義喺羅馬正教嘅地盤首次展示學園都市嘅軍事實力,向羅馬正教先嚟個下馬威
4 開戰前夕,學園都市內唔同嘅暗部勢力趁機爭權奪利,打到七國咁亂。目前只知道排喺一方後面嘅Lv5垣根帝督為始作俑者。
|
1, 2本身上季仲有印象都仲記得,
3最大問題係岩岩呢集即時跳左返日本冇交代之後d人點就有少少跟唔到.
4. 最大問題係....打到七國咁亂, 都知道係垣根帝督搞事, 但各個組織都好似目標唔同, 去搞事既位又唔同咁有d亂.
我冇睇原作其實大慨知個故事流向係點, 問題只係細節位佢冇交代到, 好似去得太快咁.