「禁忌目錄」睇落好似某種制限程式,制限咗班AI嘅行為,而係全部裝喺呢啲AI嘅右眼入面。
個人渣學長由於未能夠喺「嚴守禁忌目錄」同「求生」兩者搵到解決方法,於是就字面上「hang咗機」。
而尤吉奧由於有桐子多年調教,啊唔係,係多年影響同感化下,終於以自己意志強行打破「禁忌目錄」嘅程式枷鎖,結果個右眼冇咗(不過之後居然可以由老師重新構築個新眼俾佢,「神聖術」真係方便),但就開始可以以自己意志行動。
而睇嚟能夠打破「禁忌目錄」嘅人士,唔係被懲罰,而係被獲邀成為「整合騎士」維護呢個世界嘅法律。
咁樣有啲似Psycho Pass嘅「免罪體」,由於系統制裁唔到佢哋,於是就將佢哋嘅腦加入去系統入面,令系統可以更加「精確演算」「正確」嘅制裁方式。
菊岡之前都以為第一個打破「禁忌目錄」嘅係愛麗絲,而愛麗絲確實亦因此成為「整合騎士」,但當時愛麗絲只係純屬意外先唔小心打破「禁忌目錄」。
真正能夠以自己意志打破「禁忌目錄」其實係尤吉奧先啱。
至於桐子,身為外面世界嘅人,「禁忌目錄」對佢自然係無約束力。
PS 學妹貞操總算成功保住,可喜可賀。
薄本作者:「頂,臨C95你先出呢啲嘢,我點畫得切呀?」