李家超話7.21 999狂接call因「濫用」 Ben Sir鬧亂用詞彙寸「濫用公帑」
引用:
政務司司長張建宗早前就呼籲，大家唔好再糾纏7.21中他嘅說法，不過呢，保安局局長李家超喺噚日又按捺不住咁，喺立法會大會發表「濫用論」。佢喺回應議員有關7.21元朗襲擊事件嘅質詢嗰陣，竟然話啲市民打去報案中心係「濫用」，所以令警隊難以判斷真確性。此言一出，搞到人稱「Ben Sir」嘅歐陽偉豪都忍唔住出聲，「把『集體向警方叫救命』稱作濫用，是濫用「濫用」一詞。」仲要補多句笑下作為高官的李家超「1個月賺30萬，是濫用公帑。」
相關新聞：【抗暴之戰】疑內地生持利刀唱中國國歌指向遊行學生 中大腰斬畢業禮
喺噚日嘅立法會大會上，李家超提到新界報案中心平均每日處理逾2千宗嘅求助電話，但係喺7.21嗰晚，短短數小時就收到2萬多個求助電話，仲話情況係極不尋常，遠超負荷，仲話有人喺網上號召打 999，刻意滋擾和癱瘓警方報案服務，「濫用」情況極為嚴重喎。李家超又繼續「撐飯蓋」，話當日警員到達西鐵元朗站之後，現場人數眾多，情緒又激動，所以警員評估咗情況之後就離開現場，留守喺事發現場嘅出面，支援隊伍到場後又被現場人士包圍，所以送走傷者就撤離車站範圍。佢又強調，警員當晚係附近巡邏，雖然見到有人聚集，但係佢哋無破壞「社會安寧」，所以就無作任何阻止喎！
不過事實就擺在眼前啦，所以民主黨林卓廷其後都忍唔住，開咪批評李家超答覆垃圾、顚倒黑白、縱容黑社會暴力打人，又指李家超諉過太多人報案，詢問他會否鞠躬道歉及問責下台。就連「語言學家」Ben Sir今朝都忍唔住喺facebook發文，「1個市民打2萬次999，是濫用。2萬個市民打1次999，是集體向警方叫救命。」仲譏諷李家超將「集體向警方叫救命」講成濫用，是濫用「濫用」一詞，仲要補多句笑下李家超「如此高官，1個月賺30萬，是濫用公帑。」
|
PIKACHU：咁你咁多人都係要講同一樣O野，唔可以搵個代表打一個電話咪得囉，同樣O既O野，再重覆，都唔會令舊O野突然變得重要同緊急O架，唔係濫用係咩？
