內有吐糟,不喜勿入
見到 Breaking Bad 套電影就上,就有人講到,呢套對電視業界可以話係影響力極大,全世界都好多 fans 嘅電視劇集,再加上呢套電影係緊接電視版結局,唔洗點諗應該會好哄動。實情係出面好多 BrBa 嘅 fans ,唔似本人呢類咁「得閒」,日日望住個 Youtube 同開住個 Netflix 䏲嘅,根本唔知 Netflix 就嚟會上。佢個孖劇亭(如果有),真係非常失敗。
唔好講第二度,齋係睇佢最大對家,滴住嚟噴(Disney Plus) 點做?佢個 MCU Phase 4 有咩戲碼,幕前幕後有咩人馬,恐怕唔係跟開嘅,稍為留恴吓娛樂新聞嘅都知。但好嘢在好多戲其實只係埋咗班,連鏡都未開,真真正正未出發先興奮。啲嘢連講乜都未知就已經係 talk of the town。
咁你就知 Netflix 呢方面有幾唔掂。起碼啲大牌開戲之前放啲風出嚟等人期待吓先,有好多正嘢唔到出預告都唔知,離譜嘅就係上咗,有人講先知咁失敗。
唔洗好似啲對家咁,揼大量蚊年,年年搞個咩節目巡禮,早啲得閒放啲風,保持返個注目度,有咩 con 就派你啲好戲出去見吓人,搏吓宣傳都好吖。你個櫃入面有咁大棚好嘢,又有咁多茄殊,好好搞故噃,唔係太多正嘢失驚無神突然殺出嚟好難留客咯。
唉,老老實實,部 Pacific Rim 電視版仲係咪有得睇㗎?
__________________
- 有錯麻煩指正
- 排緊隊:寄生獸 Grey、Fallout、The Bad Batch、X-Men 97 、戰隊大失格、怪獸 8 號⋯⋯
- 「我絕不要恐懼。恐懼是會扼殺思維能力的潛伏死神,會徹底毀滅一個人。我要忍,讓它掠過我的身心。之後我睜開心靈眼睛,審視它的軌跡。恐懼如風,風過無痕,惟我依然屹立。」—— Dune
此篇文章於 09-25-19 08:58 PM 被 肉羊哩咖 編輯。
|