[肉羊哩咖]

Carole and Tuesday 第一部共十二話，半粒鐘一話，故仔發生嚮未來嘅火星，講一個政治家個女為咗音樂而出走，和另一個音樂少女相遇。加個廢中經理人同個打雜，一齊樂壇奮鬥嘅故仔。

故仔情節輕鬆簡單，可以講甚至乎，未到最後果兩三話，都好似魂遊緊，無乜嘢發生咁滯，好處係唔會好似其他渡辺信一郎啲嘢咁有沉重感。每一話都起碼一隻新歌，不過同個故仔關係不大（可能本人領悟力低下），老老實實幾有少女漫畫風，但作畫超認真，尤其係玩音樂時候嘅身體動作超像真細緻，分鏡仍然一流，城市嘅設定好似 Cowboy Bebop，應該唔係同一個宇宙入面。要挑骨頭，火星比地球離太陽遠好多，日頭無可能咁光猛，其實唔止 Cowboy Bebop，其實鐵孤都有呢個毛病。

歌啱唔啱聽好個人，不過好多都OK嘅，唔係菅野洋子搞嘅就多多少少有啲失望，而唱嗰個同個聲優把聲爭咁遠嘅？真係「幕後代唱」噃。而每一話個標題都係一首經典嘅歐西流行曲／Rock，但又係同是話個故仔無關～

而家只係第一部，第二部未有聲氣幾時上。

聽下 OP 先，幾正㗎，好多時唔 skip 聽晒：