醫生: (冷笑) 一早都話你架啦!
小笨: (尷尬) ...
醫生: 男人老狗學人玩公仔就梗~~係用 geared head 架啦! 向天又得, 垂低又得, 隨心所欲, 精確冇失拖!
小笨: 係呀係呀.
醫生: 點知你錢多走去買 飛機的!!
小笨: 醫生, 陳年舊事唔好抓瘡疤啦....
醫生: ...
小笨: ...
醫生: 好啦, 飛機的都算啦! 上次學人 做這樣的事, 又做那樣的事, 你自己都話要改過自新, 正經入番隻 geared head 架啦!
小笨: 醫生, 都話陳年舊事唔好抓瘡疤咯....
醫生: 點知轉個頭, 入左隻仲 cheap~~ 過 飛機的 o既 cheap~~ 頭!
小笨: 咁... 佢負重好嘛...
醫生: 仲一扭實就走位添!
小笨: 平野就梗係有o的妥協架啦....
醫生: ...
小笨: ...
醫生: 好啦! 好啦! 衰一次係咁, 衰兩次係咁, 而家衰第三次添!!
小笨: 醫生, 我今次真係改過自新, 證據係度呀... 個頭有牙~~架...
醫生: 同我講證據添而家! 你買番黎o個舊野邊~~樹寫住 405 呀?! 你唔係話一定要 405 架咩?!
小笨: Er... 咁唔一定要 405 丫, 410 都好嘛... 細得黎仲叫做夠力...
醫生: 佢話頂到 5 kilo, 即係最多 3 kilo, 你唔好話唔知呀?!
小笨: 醫生, 唔好偏見啦... 況且, 我o的 cheap 機 cheap 鏡, cheap cheap 地 3 kilo 夠晒啦...
醫生: (怒瞪) !!
小笨: 真架, o個舊 405, 見到o個陣嚇死我呀, 仲大舊過我個肚腩...
醫生: (臉色開始轉綠) ...
小笨: 雖則我都唔否認我好鍾意 405, 但係真係又重又大舊嘛, 有乜理由個頭仲重過支腳得架?...
醫生: (放棄)...
小笨: ...
醫生: ...
小笨: 不過又話時話喎醫生, 今日玩過下 468, 真係幾讚喎, hydraulic 波波呢, 真係出盡飲奶o既力都扭佢唔yuk喎...
醫生: (逗我丫啦... 兜頭打落去!)
