今場贏得頗輕鬆, 聯賽已經冇壓力下踢得幾放
初段踢落比較鬆散, 不時甩波俾對方進攻
不過穩定陣腳後控制返節奏, 進攻都開始黎料
伊度奧落底線傳中散中對方改變方向入網
今場伊度奧都欠d運氣, 最有機會古利交橫空門俾對方快腳剷走
細哨係輕鬆場面踢得自如, 好多後腳傳球俾隊友走位
拿臣最後一場代表巴塞係魯營踢波, 今場表現好落力
助攻助守, 爭頂入攝等都好全面, 唯一可惜單刀球射得太正, 但造就細哨入球
沙維狀態開始回復, 控制中場節奏功力開始出返黎, 亦製造漂亮傳送俾拿臣入攝
後防今場好穩, 不過艾美臣上腳比較多, 幾多比對方迫甩既狀況
佩奧爾同奧利古亞鎮守中路後防好穩陣, 好少走漏對方或輸高空波
佐基拉代替華迪斯上陣表現非常好, 愛斯賓奴中門既射門都俾佢救出
出迎時間好準, 有機會落場佢仲會好好表現
加比入替沙維負責中場防守多, 所以比較多犯規, 有一球長傳好準
下場作客畢爾包, 相信會俾多d機會比較少踢既球員落場
亦算係為歐聯決賽前好好預備及熱身
