3場入3球 費南迪斯劍指歐聯
曼聯新援波基斯費南迪斯近期大爆發，3場賽事都有士哥，頭兩個入波都係12碼，但上仗逼和愛華頓嘅禁區頂勁射功架十足，表現大獲好評。英國《鏡報》報道，波費表示自己可以做得更好，最大目標係幫曼聯取得歐聯資格。
講番對拖肥個入波，波費表示：「我喺賽事中有數次機會，可以做得更好，很高興取得入球，點樣入唔重要，最重要係個波入網，並且勝出比賽，今場很難踢，拿到1分已經好好。」
波費最大目標，就係來季參加歐聯席位：「只能賽和愛華頓，未來賽事要加把勁，我哋需要贏波，才可以取得歐聯資格。」曼聯冬窗以4600萬鎊從士砵亭簽入費南迪斯，但最高轉會費可達6800萬鎊，附加轉會費當中，就包括歐聯取得佳績，因此曼聯如能參加歐聯，波費身價就水漲船高。
