《首次大戰正選就榮獲最佳球員奬項 此小子屬何方神聖？ - 基爾摩亞》
車路士以2-0於足總盃賽事擊敗利物浦，成功再下一城晉級，
除左藍軍能夠爆冷令利物浦連敗之外，當中最受注目既可以話係今場波被林伯特安排打正選，年僅18歲既基爾摩亞（Billy Gilmour）喺賽後榮獲選賽事最佳球員奬項，喺藍軍中場被受傷患及停賽既困擾底下哩位年輕人既表現無疑能夠幫助球隊喺兵源荒下暫時得以舒緩，究竟佢係何方神聖？一齊睇下...
基爾摩亞為蘇格蘭人，出身於格拉斯哥，早於8歲時就已經加入當地著名球隊格拉斯哥流浪既青訓體系之中，亦一步步於梯隊中成長，當時球隊經已認為基爾摩亞具有非常優厚既天賦，直到17年5月，格拉斯哥流浪宣佈與車路士達成協議，基爾摩亞將會轉投加入藍軍青訓梯隊之中，
而哩支蘇格蘭球隊亦係當中得到大約500,000英鎊既球員培養費用，哩個價錢可以見到其實車路士係幾睇重基爾摩亞既潛力。
哩位蘇格蘭年輕人除左能勝任中場中既位置之外，亦能夠推上去打攻中又或者拉後為防中，喺出道至今既踢法上基爾摩亞的確幾似後期打派牌型中場既法比加斯，同時具備長傳視野以及準繩度，好多時都為隊中策動攻勢既第一點，將個波長傳到前場兩邊，
以哩個年紀既年輕人黎講能夠有咁既視野加上斬個波得黎有番咁上下質素，其實係相當難得，基爾摩亞除左為車路士贏得英格蘭青年足總盃冠軍之外，佢同時係蘇格蘭國家隊梯隊一員，於18年土倫錦標賽更為國家以第四名完成賽事，年紀輕輕經已為於國家隊青年梯隊上陣28場賽事，相信黎緊成為大國腳亦只係時間問題。
其實喺基爾摩亞正式晉身一隊之前，今季亦早已曾經代表一隊於英超等賽事中上陣，「處子戰」就係喺8月31日對鍚菲聯既賽事入面後備上陣，而及後亦有喺其它本土盃賽中完成過全場賽事，
除左得到林伯特所既器重之外，上季季中轉投摩納哥既法比加斯亦對哩位中場新星非常關注，更曾於自己社交媒體Twitter中對基爾摩亞表達支持，可見得各前輩對佢都有一定程度肯定。
今場波林伯特安排左基爾摩亞打一個墜後中場，位置同職能上偏向靠近佐真奴平時既工作，喺後者尚未後備上場時已經勝任其角色，長短傳派波準繩度高，喺攔截上落腳時期亦恰度好處，亦好肯同隊友互傳現位配合，加上有一定背身轉向以及盤扭技術，波底上睇到佢完全唔似一位18歲既年輕人，即使面對住利物浦好似法賓奴等一眾星級中場亦無怯場，更勇於表現自己所擁有既能力，亦令林伯特於賽後對球員高度讚賞。
高華錫臨場受傷，簡迪仍在養傷當中，而佐真奴亦將要停賽無法上陣，車路士既中場可以話面臨史無前例既傷停所困擾，
相信今次基爾摩亞既上位加上路夫斯捷克既復出能夠為藍軍帶黎及時雨，而哩位有「新法比加斯」之稱既蘇格蘭中場喺史丹福橋既前境亦慢慢步向光明。
Fanpiece - 藍獅:
https://football.fanpiece.com/bluexl...-c1370763.html
呢個就係林伯比佢優先進入一隊既原因嗎
除左呢段
仲有勁多人讚佢既表現
「車路士2-0利物浦全場最佳球員-----摩基亞賽後數據」
上陣90分鐘
49次有意識的傳球
78%傳球成功率
1次關鍵傳球
2次過人成功
2次鏟搶成功
1次攔截
2次解圍
2次空中爭頂成功
「各大英格蘭名宿都讚賞基摩亞的表現」
紐卡素名宿舒利亞：〈基摩亞指揮車路士全隊〉年輕的基摩亞是這場比賽的明星球員，他在中場表現得非常出色，指揮著車路士全隊。基摩亞在各方面都做得很好，
無論是控制住球權，還是向前傳球或幫助後衛補防，他做得非常出色，絕對是偉大的球員。我今季看了很多場車路士的比賽，佐真奴在傳球方面做得很不錯，但和佐真奴相比，基摩亞在向前傳球方面做得更出色， 基摩亞總是想著向前推進，這是他的第一想法。不僅如此，基摩亞還幫助球隊的後衛防守，基摩亞做得很出色，他充滿信心，在防守也能完成搶斷，
在進攻基摩亞的推進能力相當出色，他很有自信，相信自己能夠幫助車路士
阿仙奴名宿伊恩胡禮：
〈終於明白為何皇馬、巴塞都對基摩亞感興趣〉基摩亞的表現令人印象深刻，之前林柏特在訪問表示'基摩亞能上場陣比賽是因為他在訓練表現得很出色。'基摩亞之前引起曼城、曼聯、巴塞及皇馬的興趣，我現在能夠理解為何這麼多豪門球隊都想要簽下基摩亞。
作為一個18歲的年輕球員，基摩亞確實太出色，他的表現令人感到難以置信
英格蘭名宿連尼加：
能夠看到這麼有天賦的年輕人是非常令人興奮，他在場上展現出的能力及對於自己的位置的認識，都是令人興奮的
前車路士球員格連莊臣：〈基摩亞每次控球都有出色的表現〉場上的所有球員都知道基摩亞能夠做到一些甚麼事情。你可以看到車路士的其他球員一直都為基摩亞傳球，他們相信基摩亞的能力，並且相信他能夠掌控控球權，基摩亞每次控球的時候，他都能夠拎出很出色的表現
熱刺名宿贊拿斯：我感覺基摩亞就像是在公園踢波一樣，他踢得很輕鬆，就像是在和好朋友一起在公園玩一樣
太狂了
