|
林日曦
2 hrs ·
有自稱警總文職人員（有提供職員證）
來信講述當日情況，佢話希望警方不要誤導市民。
都係嗰句：
我覺得呢位職員一定係講大話，希望政府一定要出嚟闢謠。
（其實有另外一位職員有相同見證，但佢唔敢提供職員證）
（除下文外，佢之後再補充：「我冒住生命危險講呢件事出來，係睇唔過眼警隊高層為左達到佢地一d目的，利用同事既身體狀況製造話題，甚至妄顧佢地健康，延誤治療。更重要係，我希望話俾大家知，即使喺政府，即使喺警察部，都有好多同路人，雖然礙於身份我地未必可以同大家一齊走到最前，但係兄弟爬山，我地依然會喺自己能力範圍內做應該做的事。請大家繼續加油，共勉之！」）
「我係一個警察部文職同事。從來無諗過會pm你，但有啲野真係不吐不快，礙於身份尷尬不能公開講，所以只好阻你少少時間。
我想講下關於621嗰日的情形。對於警察部同個別電視台都話嗰日伙記同文職同事都被困十多小時，慘絕人寰。
警察我唔知，但文職同事以我所知當日lunch time前已收到通知可以離開總部，而我亦喺大約1點鐘左右從軍器廠街正門離開，期間並無受到任何示威者阻撓，亦無感人身安全受到威脅，基本上可以話係暢通無阻。因此，我對於『有與事件無關的文職同事被困十多小時』的講法並不理解。
而對於警方多次強調總部內有孕婦及長期病患者等被困至深夜更係感到困惑，既然警方認為一般文職同事可以在中午時間自行離開，為何這些有特殊需要的人士卻不可以呢？究竟是示威者還是警方不讓他們離開呢？
事實擺在眼前，我希望警方及個別電視台不要再誤導市民。」
|
