[肉羊哩咖]

見樓上老細噉講，本人又多咀。有人以為呢部係套警世書，總結有 3 個教訓：

1. 人最大嘅優點，往往係最致命嘅缺點。書中有唔少人係有一種超人嘅能力，但係偏埋一邊唔平衡。結果能力越高，盲點越大，搞到結果相當濕滯。
   
2. 人係環境嘅一部份，人力想改變一環，結果掀一髮動全身。呢樣電影尚未出現，之後嘅書會逐漸浮上枱面。
   
3. 小心有魅力型嘅領䄂。呢味最大鑊，因為佢哋以魅力要啲追隨者追啲唔合理同自毀嘅嘢。作者經歷過二戰同冷戰，同麥卡錫主義埋身刷過，知啲魔頭點掘起。第一部書會出現 4 件，最後一件最大劑。

所以真係唔好當星戰噉去睇。