Games Animation Forum

查看單個文章
舊 06-04-18, 01:29 PM   #827
蛋撻王子
God of Gamer
功德完滿
 
註冊日期: Mar 2007
文章: 11,953
《壞事接二連三 無錢都想學人換主帥? 笑死人咩》




雲加退任後阿仙奴亦經已確立艾馬利為下任主帥,利物浦在無聲無色之中簽下巴西防中法賓奴,熱刺亦與普捷天奴簽下新約,而曼市雙雄亦雙雙為新球季組班做準備,反觀車路士接二連三都係壞消息,先有未確定下任主帥,再者油王艾巴莫域治未獲簽証入境問題,繼而更傳出球會與門將古圖爾斯續約談判破裂,同時新球場計劃無限期擱置,球會睇黎車路士下季似乎都繼續無運行。

針對換帥哩一部份,相信係最令球迷們不解及氣憤既地方,喺收咧前最後一場賽事即係足總盃決賽後,干地都經已表明未知去向,言語中表達有機會被辭任既機會,而意大利人在先前都有表明心跡,希望完成合約中既三年任期,亦即係餘下仲有一季時間。但干地與管理層在關係破裂既前題下,球會一直都希另尋新帥,而近期最為接近既就係前拿坡里主帥沙利。

拿坡里已經確定安察洛堤為下任新主帥,但並未有辭退沙利,意味著哩為同為意大利藉主帥既下任東家必需支付解約費用,但車路士明顯唔想比哩筆錢,加上辭退干地與其教練團既費用,藍軍高層希望有球會為干地解約,但世事邊有咁完美,搞到依加好似喺街市買棵菜咁壓價左度右度,其實真係相當之難睇,無錢又要學人玩換帥,車路士高層究竟訓醒未。

黎緊新球場又即將動工,姐係哩幾季將會有大部份既支出會投放左喺果邊,如果係咁其實更唔應該洗多餘錢,唔係話干地教得好好,佢本身都有一啲間題係哩兩季都浮現而無改善,但係睇唔見得出沙利有咩優點會比佢優勝,如果係咁點解唔比干地完成埋合約餘下最後哩一季,下季先再決定意大利人既去向,咁樣唔係依加最好既決定黎咩?

安歷基、沙利、白蘭斯,真係一個名比一個名得人驚,唔該高層盡快平息下季主帥人選消息,如果唔係真係唔會有員工喺未知下任老細係邊個之前加入果間公司,而舊員工亦公司前境唔明朗之下亦只會選擇離開去其他新環境工作。

Fanpiece藍獅: http://football.fanpiece.com/bluexli...feature=scroll

希望快D終結D壞消息..
最近真的太多了


__________________
馬娘
ID: 811 322 636
蛋撻王子 目前離線   回覆時引用此篇文章
 

返回主題: 車路士球迷會Vol.35 ﹝~ 英超:巴克里一傳一射,夏薩特及莫拉達各入一球,車路士3:0輕取修咸頓!~﹞