符合蟈情系列n+1篇......
-----------------------------------
【咁都得？】因為唔識讀 753萬內地粉絲要張鈞甯改名
Yahoo! 娛樂圈 – 2015年4月19日下午3:09
32歲嘅台灣演員張鈞甯，因為喺內地熱爆電視劇《武媚娘傳奇》中飾演反派徐慧一角，樣生得標致加上精湛演技，喺內地人氣急升。佢個名亦成為討論嘅焦點，好多人係唔識讀張鈞甯中個「甯」字，因為呢個字比較少見，唔少人更加將佢個名做錯誤咁叫成「鈞庸」或「鈞蜜」。
因為咁唔少網民都要求佢改名，更喺微博出現「求張鈞甯改名字」嘅話題，點閱率更高達753萬，雖然有唔少網民希望佢改名，不過有粉絲就另開「張鈞甯偏不改名字」嘅話題。呢件事令當事人張鈞甯都覺得好有趣，仲話佢啱啱睇嗰時都笑咗出嚟。
有時呢個名都會為佢帶來麻煩，就好似去銀行開戶口嘅時候，銀行職員打唔到佢個名，仲話電腦無呢個字，不如你返去改個名先再嚟啦，呢件事佢激起到轉銀行戶口。
