引用:
作者: 阿聰
睇返 chris 兄張相,架都城真係好差勁……成個車頭已經唔似,都城車頭頂部應該似方型的,
而且車窗 d 黑邊粗得太離譜,仲好似「笠」咗入去咁,而且我覺得架模型車外殼造得唔好,
攪到架車好似上層「cup」落去下層咁,四個車軸又黑色唔係銀色,所以我諗咗好多次,都係冇買。
我真係好想有架似樣 d 嘅九巴都城模型巴士,有冇模型公司可以完我呢個心願?
最好出一部普通版都城,另外出一部 TURBO 版都城﹙最好用 51 號路線﹚,咁就 perfect。
|
我就反而覺得 OK 啵,
難聽D講句如果真係要做到好似你咁高要求咁挑剔o既話,
咁就真係好多模型都唔洗買啦,
須知依家只係模型, 只係模仿真車個樣做架車仔出黎,
爭一D點都會有, 亦冇可能百份百跟足, 偏差就點都會有,
更何況係合金模型, 未必可以將一D細微o既部份都造到出o黎,
所以我依家買巴模, 要求都已經叫寬左,
只要出得似, 同真車冇乜太大出入已經收得貨,
當然QC亦都係最優先事項啦
玩模型玩耐左, 自然會知道淨係出一個模o既難處
有時玩模型要求高唔係唔好,
但係有時要求太高反而變左挑剔, 盞自己冇癮,
所以有時玩模型將要求放低些少都未嘗唔係一件好事,
如果唔係, 玩巴模就少左D趣味啦~
以上只係個人愚見