[Fean]

我覺得有人死都唔會民意逆轉，因為已經有三個月時間俾大家心理準備會擦槍走火。同埋兩邊都已經慣咗剩係見到對自己一方有利嘅部分。

當然有啲中間派，但係已經係好小數。
喺呢百幾日裡面，大部分人都為是但一邊出咗力，冇實際出力都好，都invest咗好多心力同情緖。
當一件事有份參與嘅時候，其實好難抽身，因為個integrated identity已經大過moral code，
所以就算打死人都好，都可以揾到理由去justifiy個行為，特別係假想敵仲一直逍遙法外嘅話。

鬼佬支持一對球隊，如果隊裡面有一個成日犯規、diving、下三流犯眾憎嘅球員，佢地好鍾意話： Yes he's definitely a cunt but he's our cunt. 其實道理好接近

我覺得最有可能民意逆轉唔係打死人，而係出現衝入舖looting嘅情況，
抗爭者而家做嘅事係為咗爭取公權，而激進行為大家仲可以用被逼出嚟、別無他法等等去作解釋，令自己心安理得一啲。
但係looting係為個人利益、私利，到時一定觸及好多人底線，覺得事情真係失控。
而家矛頭開始指向一啲商舖，我諗只要上面傾掂數唔怕香港形象進一步損壞嘅話，臥底好快做野都唔奇。

其實今日已經有三單連環爆竊餐廳嘅案件，有一啲細嘅藍絲facebook page已經開始吹風，話係義士劫富濟貧。