引用:
作者: 惡搞的
我意見係..
(呢到講野我自然企起你呢邊..以你前途/事業為主要考慮..感情方面我唔理你啦..你自己取捨)
樓主你係唔係中國級土豪..
可以將條女當係自己裝備中既飾品處理..
如果唔得...建議你搵返件"正常既"女性..(有工作能力/自理能力,同你翻面你都可以認為佢有能力自己生存)
基本上樓主你算好理性應對所有發生過既事..
香港地...除非你搵錢多..幾可有人可以"輕鬆,無壓力" 養一個 好食懶做 既人..
你估老豆老母捱餐死養仔養女咩..
如果老婆都可以令你甘樣,生埋點_算? (ok,你可以同我講唔生)
你何必繼續落去..犧牲自己前途
你都要同自己老豆老母交代la..
搵個甘既女人返來?
根本上你全程都表現到 "放得低"
..問題係你衰在心軟
經濟上你主導灑,佢只可以拿身體健康來威脅你
你兩個關係都來到呢步lo
重有乜好搞..
..當你真心病啦
愛你都要我養得起你架
老婆你愛我你又可唔可以令我易喲養得起你啊?
你係搵個真心另一伴女人...
唔係學人地包二奶擺件女人起屋企做裝飾..
有得揀就揀個正常既...狠心喲甩左個唔正常架啦..
|
係我打得太仔細, 定呢個女人太易理解 ?
佢又真係講過自己係個花瓶 wor.
最差最差情況時, 佢會講好想可以做植物人, 攞正牌唔洗做仲有人養住唔洗死, 乜都唔洗煩.
咁我俾錢你做乜 ? 你想我俾多 D 錢你做乜 ?
你俾我既錢一半用起化妝同護膚, 唔係你我連都街唔洗出丫. 你買俾我既衫, 我打扮得靚都係為左你自己好咋. 我咪打緊你份工囉, 仲洗乜返工 !
個個親戚睇d相都讚佢好靚女, 不過如果知道佢咁樣過日子, 又唔太想生 b, 我都真係唔知點交代 ...
大家男人, 總係理性 d.
其實我想聽下有無意見係覺得我唔岩
我都真係好多唔岩, 成日無記性, 出街太依賴 google map, 搞到成日行錯路. 佢知我係比較專業既類別, 一直都好期望我係好細心既人, 但係起澳洲咁耐, ya/cool/great 咁講野, 日常生活上我係好`粗枝大葉... 遲到, 買錯野, 做錯野, 去錯地方 etc. 都係經常發生....
佢想我係全部精神時間都係俾晒佢, 偏偏我係多嗜好既人, 成日玩相機/影音, 又自己去左打機或睇 d 佢無興趣既電影.
我地都會打同一隻 game, 我打機當打波, 視為運動既一種, 認真打, 不過唔干涉現實生活, 呢頭打完, 講幾多理論都好, 呢頭就散. 我地打機時成日會爭論, 佢話我屈, 我又話佢屈, 對佢來講好傷感情, 而我就無乜野 (當係運動).
又因為我多興趣, 有時見佢會唔夠精神, 炒飯佢唔飽, 其實我都有內疚, 不過要我放棄咁多野玩又唔多制
當然..... 最唔岩係無同佢好好咁傾點用錢, 如果唔係自己暪住買相機器材果 d , 肯一早坐低傾, 可能都唔會搞到咁 (不過果時諗, 都唔知佢會唔會傾), 佢除非係無腦到極, 唔係都應該估到我有 d 錢去左唔知邊度.
同埋....一直有搵其他女人.... 做 d 對佢唔住既野. 其實係我地剛剛開始呢段關係時, 我就已經試過見其他人, 自首過一次
. 可能之後有時懶無 re 佢, 佢都會懷疑....
