Games Animation Forum

主題: [PS4] 仁王2 | 已售
查看單個文章
舊 06-12-18, 07:55 PM   #13
chrischun
God of Gamer
Juliuscrui
 
註冊日期: Jan 2005
文章: 5,014
Nintendo Switch IDJuliuscruiz
XBox Live GamertagJuliuscruiz
引用:
作者: Vanux 查看文章
第一集都唔好玩, 佢的所謂"難"玩係佢本身系統差令佢難玩, 並唔係Dark soul果種難度令你想不斷挑戰學打法, 自問dark soul 集集都打得爆, 仁王玩到半路直情覺得浪費緊自己時間而停玩...
我無玩過DS,不過同你一樣停左,原因我係之前都講過

1:嚟隻GAME真係最失敗係合魂系統,完全令到追裝感下降,果然係2004年既創意,有玩過嚟類型既GAME既朋友會好明白我講乜,基本上幾多週目都無用,敵人都係白白痴痴既,太多BUG及不良道具令到嚟隻GAME平衡性大減

2:真係不吐不快,嚟隻仁王真係劃時代產品,大多數版圖都似鬼武者咁,敵人係一條狹窄既路或困獸鬥加強壓迫感,點知壓迫感就無左,反而清怪仲快好多,好心學下人地既地平線,沙盒版圖都可以做到有壓迫感先高,最攪笑既係我明明係敵人一個身位附近,敵人都睇我唔到,嚟D乜野AI嚟嫁,攪到我宜家玩仁王打怪好似打死物咁,唔好同我講幾週目係唔同,嚟D遊戲既幾週目只係血厚左,仁王既怪血厚點都厚唔過WOW及D3,見樓上話可以去到LV750,真心服左可以玩到LV750既朋友,我玩到差唔多爆機都已經覺得無聊,唔係唔用心去玩嚟隻遊戲,而係嚟隻仁王太完美

樓上講過話似鬼武者,我唔太認同,鬼武者既一閃太有快感,鬼2既一閃雖然簡單左好多,但好在多怪比我閃,仁王大家都知,每個版圖敵人既數目真係少得可憐,所以出現大量點刷精華既教學,一隻為刷以刷升級既遊戲,可以好玩得去邊,為左精華刷同一版圖,嚟D唔係叫遊戲,叫無進步,所以大家見我成日講WOW及D3亦係同一道理,已經諗唔到新野比消費者,咪出D大同小異既DLC比大家

我回流打機只係短短半年,玩過20幾隻不同遊戲,有D遊戲真係正到一流,有D遊戲真係衰過PS1,我唔係講畫面,係講玩法,點解宜家D遊戲廠商越來越似Canon及Nikon加少少野就當新產品

3:啱啱再玩左幾個鐘去試下證明自己既觀點係咪真,嚟幾個鐘只升精華,升到差唔多先去開第一隻王,真係易打好多,越玩越似diablo3,連裝備屬性都有八成似,不過有一樣野係最似diablo3,來來去去都係得個幾個種類既怪,仁王到底係咪暴雪出嫁,感覺唔多唔少抄襲diablo3,點解咁講,一個好簡單既裝備就知道,華戒/勾玉 八尺,但係暗黑仁王又無暗黑破壞神既快速快度,一味拖

PS:有玩過D3就知道我講乜,D3係快去快出,而仁王就好似龜既速度去打王,有時候小怪都係咁,講得衰D個句,要拉怪出來打,唔知仲以為玩緊初代魔獸世界,拉怪,Team Ninja點解做唔返ninja gaiden個種快感出嚟,反而做左隻暗黑魔獸仁王出嚟

4:其實我唔覺得仁王難玩,只係覺得為刷以刷既GAME玩得太多,仁王根本就係2004年既最新或最有創意既玩法,留意魔獸世界都係2004年,兩者其實真係好似,我自己估計就係當時Team Ninja係借鑒WOW去開發仁王,咁到後來係點大家都知,點解話仁王唔難玩,因為嚟類型既GAME只係磨時間升級就可以,如你有玩過初代版本WOW就知道乜野叫難,如果仁王既難係叫苦痛,初代版本WOW可以叫到生不如死,當然嚟個只係我單方面既想法,不過如果仁王係2004年出到就真係創意無限,係2017年先出嚟,已經有好多同類型既GAME去比較,當然你問我會唔會再繼續去玩仁王,我一定會(買左返嚟唔玩,我係痴,唔係傻既),只不過會用打發時間既心情去玩下,有新GAME就玩新GAME,無就玩仁王,因為嚟類型既GAME有一個共通點,就係經常更新,無得追

5:真心話,嚟隻GAME如果係早幾年出,我諗我會迷到痴曬線,因為當時我一直都想有一隻可以單機去刷裝備既GAME面世,可惜一遲就遲十幾年,真係月經都等到停經,不過講返轉頭,嚟隻仁王既敵人真係DODO地(包括王),攻擊模式隻隻差唔到幾多,只要對住每一隻怪幾分鐘,先了解敵人既攻擊方法,基本上都唔難打,以我為例子去講,我每次見到新怪都唔會打住,同隻怪近及遠距離磨幾分鐘,睇下佢想打我,而又打唔到既快感,到清楚所有攻擊模式後先去開怪,宜家就玩緊打怪時中途轉換上中下招式有乜效果(嚟個真心好玩,因為要了解曬敵人招架方式玩死佢),其實已經對所有王有視覺疲倦,只不過係大隻D咁解,基本上慢慢同王磨無傷真係唔難,難就難在我係一個比較急性既人,嚟隻GAME打王唔貪刀基本上慢慢打都無乜問題(我第一隻王試過慢慢打,講得衰D個句,邊有王咁白痴嫁,比主角轉去後面比人片),問題在於唔貪刀已經唔係嚟個世代既遊戲,我十幾年前已經玩緊,所以嚟隻GAME最好玩既係了解所有敵人後去用貪刀方式去打而又無傷情況下先好玩,用返2004年既玩法,咪攪我


__________________
chrischun 目前離線   回覆時引用此篇文章
 

返回主題: [PS4] 仁王2 | 已售