前言
曾經響幾年前，業內人仕就一直都憧憬過會出一啲地道既H-game，當然唔希望係麻雀或者Puzzle類型咁簡單，而係希望有一套RPG或AVG或調教傳統類型既H-game；不過，拖下拖下，遊戲業界已經歷過幾個不同o既階段，當Ultima Online響香港開始流行嗰陣，大家已率先聯想到會唔會有一套H Online game出現，只不過當時科網股熱潮正濃罩整個科技界，故此大家都只係顧住諗大型投資、話要幾大幾大再上市．．．．．．而家，網絡遊戲已經逐步穩固，甚至進入汰弱留強階段，但係八足咁多爪既風老總終於唔死心，希望要響呢個競爭劇烈的市場再做一次金金地既大事，要成為H Online Game教父．．．．．．
咩類型好？
經過一輪「腦震盪」之後，大家首先發現既難題係，做咩類型好呢？點表達好呢？邊一個類型最能夠突出H部份、令佢為涵蓋整個遊戲既重心呢？答案係紙牌加調教。戰鬥方面用牌進行，而紙牌最基本可以分為四類：主角、人物、道具、事件，主角就係玩家本身、人物就係響遇到NPC或Mob時靠買賣、任務或戰鬥取得，響對戰中作出攻擊既主要牌類；道具同事件就可以附加於人物或主角牌上，用以增加各項能力或削弱對方能力既牌類。響對戰的過程中可以利用性感誘惑的CG表達效果．．．．．．(此部份留待日後詳細介紹)
調教呢？無錯，紙牌有利於表達效果及附有珍藏的價值，但大家可能會覺得太單調，不竟係一隻Online Game嘛！雖然大家響作戰果陣係以紙牌表示，但其實你所得到既人物牌並唔係牌，而真係一個完整既女角色，一但你返到屋企、旅館或各式練功場所，佢地就會變返一個婀娜多姿既美少女，呢個時候你就可以透過收集道具(藥物或SM架生)對人物進行調教，藉以提升主角(牌)／玩家自己與及美女少(人物牌)既基本能力值．．．．．．(此部份亦留待日後詳細介紹)
背景與舞台設定
響設定故事背景方面亦係一個相當困難同複雜既問題，如果唔利用歷史故事為藍本又難以憑空想像，掉返轉依照歷史又諸多限制，咁點算呢？答案就係利用歷史既某個起源或某個橋段做起點，其後利用各類參考資料做素材去作出各類設定。以下就係暫定設定的故事及舞台背景：相傳始皇為咗搵長生不老之藥，最終委派徐福帶住幾千個童男童女去一個未知既「蓬萊仙境」，希望搵到仙人，再求得長生不老妙方，不過，徐福當然清楚呢個世界上係冇所謂長生不老之藥，但係皇命難違，如果搵唔到返去，唔使連坐睇怕都要車裂，但係天下既已統一，佢仲可以去邊到而又唔會俾始皇搵到呢？佢最終決定咗向住大陸的反方向前進，希望搵一個島自成一國做皇帝，盡情享受秦皇別苑精挑細選出來既童女，而最後搵到果個地方竟然係．．．．．．
（資料來源：PC GAME WEEKLY第200期)
PS:我唔係copy & paste架....慢慢打的.....
