[肉羊哩咖]

繼續講雷達：

• RWR 唔似雷達，因為呢個系統係被動，可以接收 360 度嚟嘅訊號。現代啲嘅仲可以分到邊啲訊號危險啲，要機師注意先。
  
• 現代雷達，尤其係空戰用嘅，有好多模式「玩」，有啲可以偵測到多個目標，但只可以「鎖定」一個目標 -- 個雷達束只會集中射住一個目標，目標嘅動態就比較清楚，但同時亦會警示目標佢已經被針對。亦有另一個模式叫 Track While Scan （TWS），呢個唔單止用嚟偵測，仲有可以同時追縱多個目標，被「射住」嘅目標（們）完全唔會覺被鎖定！著名嘅 F-14 配 AIM-54 系「鳯凰」飛彈，用呢個模可以同時攻擊最多 6 個目標！當進行狗鬥/纏鬥嘅時候，雷達亦有特別嘅模，方便鎖上敵人。另一方面，現代嘅雷達亦可以單係偵測高速嘅物體，不過 DCS 好似仲未有機體有呢個模～
  
• 視距外（Beyond Visual Range BVR) 氾指可以攻擊 20 海里 / 37 千米 以外嘅目標，當然除咗要偵測到，啲武器都要去到咁遠先得。