[肉羊哩咖]

攝影可以話係教範級，大頭，構圖，遠景，室內角度，景深運用等等，真係要去戲院睇先感受多啲。就算係沙漠呢啲無乜特式嘅景都可以拍得有趣，無嘢好講。

特技，套戲好似「只係」要壹億捌仟万（只要伍億到平手），除咗個城啲 CG 仲係好假之外，好多場面嘅 CG 係融入去，完全唔多覺係。好似開始日蝕嗰場，伏擊仇家嗰場，完全無遺和；最有特色嘅都仲係 Giedi Prime，室外景係用紅外線攝影機拍，所以啲效果好唔同一般黑白片，而啲「煙花」又好特別。另一場更壯觀嘅係某角初試沙蟲嗰幕，據報拍咗幾個月時間，掟向角式嘅沙係用真沙～～～ 無論速度感，臨場感，真係無械可擊。

動作，啲單挑，尤其最後嗰場快到，鏡頭運用好，可惜剪得太多～ 兩個主角都係親身上陣；而好多場啲戰士由沙到跳出嚟，立刻跑去開拖，勁。

音樂，唔知點講，都係似有還無，係無上一部咁礙耳，想睇多次確認一下；而音效設計，配合個影像之餘，亦帶出個氣氛，尤其鐘意某場帳幕入面聽到外面嘅「雷聲」，同埋某個水池嘅一幕。

要提一提嘅係設定，上一部有唔少「飯民」工具都好似好實用，真實存在咁，但係最搶都係反派啲機械，好有向 H.R. Giger 致敬嘅味道。另一樣要讚嘅係好留心細節，尤其好多書係無嘅：好似頭一幕舊石，啲「飯民」點毀屍滅跡，啲呼吸管嘅使用，點用風力，各種「抽水」嘅工具同技術，點樣上條沙蟲，上面啲人點坐（爭在唔講點落），沙村嘅建築，個「飯民」嘅軍事大會，公主套甲，唔好漏咗啲「飯民」啲小動作，都建構出一個令人信服嘅世界；要挑骨頭嘅係，全人類嘅皇帝，起居同服裝似乎太寒酸～

角色同故仔，尤其啲爭議，後續。