[肉羊哩咖]

一心諗住去睇鬥車嘅，其實夾埋得一半時間都無，雖然非常精彩—唔係諗住係頭文字D就得。主要睇兩位影帝點奮鬥，兩個都因為性格同命運搞到條氣好唔順，都想借一舖發圍而合作，搞搞吓發覺對手唔只係法記，仲有福記啲辦公室政治，兩個人性格衝突，仲有自己嘅心魔～～～ 兩個演技一流，無論口音性格都勁投入。演員仲有 Netflix The Punisher 位主角，戲係唔少但唔突出。

導演功力唔洗講，舖排由努力執勁部車曲折過程，可以話係成部片嘅重點而唔悶；到臨場解決各種「技術問題」都令到個賽事生色不少。有啲住好明顯係 CG，但唔影響部戲嘅可觀性。

睇返啲 YouTube 片，有啲嘢係真有其事：好似隻門同最後過終點都係真嘅。