7.21至今僅起訴6人鄧炳強反稱「數字唔係特別低」 林卓廷怒轟：與公眾常識有極大差距
引用:
元朗7.21恐襲發生至今4個月，新任警務處處長鄧炳強指任何違法行為均會調查，並在有證據時會拘捕和檢控涉案人士。惟當日不少片段清晰拍攝到施襲白衣人容貌下，警方目前僅起訴6人。
對於鄧炳強聲稱警方至今就7.21白衣人恐襲案只起訴6人「數字唔係特別低」，當日遭白衣人打傷的民主黨議員林卓廷表示，對鄧炳強的說法感憤怒，指巿民都看到7.21事件中，有超過100人參與襲擊元朗站內巿民和記者，恐襲規模令中外震驚，「到現在為止，無任何一個組織者或主謀被檢控，一啲樣貌非常清晰，被辨認身份的人係在逃中，一啲喺現場同懷疑施襲者嘅人握晒手嘅人，亦都唔見到有檢控，呢啲人士，警方點同巿民解釋？」
林續斥，警方當晚已多次沒有盡保護巿民的責任，亦無拘捕任何疑犯，很多人手持武器襲擊記者，亦無任何人被捕，「佢哋事後被放走，而家要去追捕呢啲人，當然個拘捕人士係極不理想」。他批評，警方發言人近月的言論，都與公眾常識有極大差距，包括用手槍射中巿民心口位置就說成是打膊頭附近；用槍打巿民的頭，就說成意思是打巿民上半身；將鐳射筆說成鐳射槍等，認為鄧炳強有關回應方式，只會令警隊支持度「低處未算低」，「而家警隊企出嚟講嘢嘅人，俾人感覺係喺另一個星球，用緊第二種制度去理解警隊嘅表現同作為」。
|
新ALPHA犬：DLLM唔L識計數呀？原本係0人，而家係6人，計百分率係無限%增加，點會係低呀？
