可能因為係晚場既關係﹐我睇o個場比較安分守己﹐應該笑就大聲地笑﹐應該靜靜地渧劇情發展就真係非常之靜﹐而應該萌起黎就真係萌到可以聽出大家既呼吸聲。
每當「大萌神」開始面紅起來﹐全戲院無分男女都好似o係度感嘆﹕太可愛了。
第一次感受到「被萌到」既聲音無限擴大係有幾震撼。
長門「大萌神」果然唔係浪得虛名。
兩個半鐘完全唔覺得拖﹐全無冷場﹐高潮中間D位也鋪排得非常好。
最impressed係阿虛臨尾同自己質問點解要回到有SOS團世界既內心獨白處理得好﹐因為呢段真係成套劇情既精華﹐冇左佢就解釋唔到點解阿虛甘願翻黎比春日奴役。但如果齋得旁述有未免會悶懷觀眾﹐於是就有好多阿虛內心既片段﹐包括自己踢自己頭。
PS 原來文藝社部PC係用Windows95﹐當阿虛打開佢時仲要播埋95開動時既音樂時﹐笑左。 XDDD (唔知角川同京社比左幾多廣告費比阿Bill哥呢﹖
)
http://www.youtube.com/watch?v=PVBDry6XlaA