Games Animation Forum

查看單個文章
舊 10-22-18, 01:30 PM   #25
蛋撻王子
God of Gamer
功德完滿
 
註冊日期: Mar 2007
文章: 11,953
《相隔三年再次被國家隊徵召既蘇馬 來季能夠重返車路士嗎?》



蘇馬,一個曾經被寄予厚望既名字,可惜因為一次嚴重傷患,令佢既能力同狀態同大不如前,亦因而錯過左岩岩舉行既世界盃,錯失高舉大力神盃既機會。直到早兩星期法國隊公佈新一輪球員名單,蘇馬相隔三年多後再一次入選得到迪甘斯既召喚重返法國國家隊, 但亦代表著來季能夠重返車路士嗎?

早喺2014年1月,車路士正式向法甲球會聖伊天提出收購蘇馬,當時既佢被評為法國繼華拉尼後另一位未來後防新星,再加上時任領隊摩連奴曾經喺帶領皇家馬德里時一手大力提拔後者,即使當時既後防線經已擁有沙治奧拉莫斯及卡華奴等後防好手喺度,亦能給予華拉尼唔少上陣機會,令外界估計蘇馬既加盟將會得到同樣待遇,不過球會選擇繼續比佢效力多半季時間,直到2014年夏天至正式回到車路士報到。

唔好睇蘇馬個身型「大大份」,佢跑起上黎既速度喺後衛黎講其實都算幾快,而且對抗性亦都唔差,好多時啲一對一爭頂都唔會輸蝕,可以話完完全全係速度同力量既混合體,加上出腳剷波時機得宜唔會拖泥帶水以及擁有良好既傳球視野,能夠準確地將個波通過長傳運送到比前線隊友,基本上無論喺攻或守兩方面都相當出眾平均,因而車路士球迷亦好快睇好佢能夠成為傳奇隊長泰利既接班人。

可惜好景不常,一次疏忽大意既落地動作唔單止重創左蘇馬既十字韌帶,更重創左佢黎緊果幾季既職業生涯,長達半年既休養期令法國人喺各方面既能力都下降,即使傷癒後亦無左以前果種大膽落腳既勇氣,準繩度亦大不如前,要重拾昔日狀態就只好將佢外借到其他球隊,而球會亦喺佢外借史篤城前同法國人續約6年,正面地向外界表達蘇馬依然係球會未來既重要資產。

雖然近哩兩季無論既外借生涯都得到唔少上陣機會,但喺史篤城既進步幅度可以話停滯不前,亦偶有大意甩漏,缺少左大傷前既穩健,而依加喺馬高施華既愛華頓同樣得到正選機會,睇下佢今季喺哩位葡萄牙籍主帥領導下有幾多提升空間。

能唔能夠成為沙利手中下一個高列巴尼,就要睇蘇馬自己既造化。

Fanpiece - 藍獅: https://football.fanpiece.com/bluexl...-c1332630.html


__________________
馬娘
ID: 811 322 636
蛋撻王子 目前離線   回覆時引用此篇文章
 

返回主題: 車路士球迷會Vol.36 ~杜曹執教後第一場勝仗 舊將被重用及重生~