蘇斯克查：點解車路士多休息48小時
英超重開賽程頻密，每隊平均3日打1場，但嚟緊周日英足總盃4強曼聯對車路士，就出現不公平情況，車路士比曼聯休息多48小時，曼聯領隊蘇斯克查面對如此不利情況，當然要發聲。
車路士早於周三凌晨已經踢畢對諾域治嘅聯賽，而曼聯今個星期嘅賽程卻異常密集，先喺周二凌晨主場賽和修咸頓，嚟緊周五凌晨又要作客水晶宮，然後先對車路士。
蘇斯克查對此深感不滿：「咁樣好唔公平，重開聯賽我哋一直講緊公平，但今次明顯唔係囉。踢到現時階段，48小時係一個巨大差別，依家我仲未諗點打車路士，首先要應付對水晶宮場波，踢完呢場先至諗其他。」
講開唔公平，曼城被歐洲足協發生亦引發唔少爭議，不過蘇斯克查唔想加入討論，佢話：「我唔想爭論，因為呢啲唔係我工作，我嘅工作係教好隊波，做正確嘅事。引入財政公平條例，都係想球會健康發展，有呢次判決就交畀其他人討論把啦。」
