係咪又係特准?......
a
排位賽張成績單見到仲有條友用EVO7......
今日本童子犯左個睇車咁耐以黎最大的失誤...
尋晚過完相後竟然冇插番張SD落相機......
因此今日所有相都只能用電話影...
Paddock入面D車+女相都仲算見得人...但係D賽場相就......
GT
本來以為老馬今年終於威番次搶到個頭位...
點知鬥贏Benz兩個主力之後仲有第三個彈出黎......
波子排位賽先黎料壓番住成堆R8......
之但係歐陽...唉......
R35繼續陪跑......
不過呢場總算冇炒到以前咁成地都係......
F3
睇完本童子都係唔多明Ticktum點解響歐洲F3會倒輸俾Mick仔......
舊年都講過Mick仔係夠哂勇但係唔識收......
今日本童子直頭覺得佢好急躁下...兩次跑flying lap都係響d著名彎位踩唔切brake直衝出去......
可以排第9兼冇撞爛部車已經算托賴......
某日本車手完場時又係尾彎炒車...
仲要攬炒埋後面衝緊last lap 0既Eriksson......
結果就係難得一見0既揮完格仔旗先出紅旗......
WTCR
泡菜車之前旁述吹到點勁點勁...結果入到Q2已經得番兩部......
Tarquini炒左落葡京彎之後死都唔肯落車想自己駛返去pit......
結果攪左成兩分鐘有多先開得工吊走部車......
諗住Huff可以輕易跑贏Q3...點知最後要跑到掉低埋個後鏡先保得住個頭位......
外賣APP杯
EVO神話不再?!......
排頭係掃把佬同木下部R34......
最重要係...頭5位入面只有一部EVO9!......
某Cooper響漁翁街炒到反肚應該係今日最大鑊果單......
蓮花杯
大乜叉野彎杯丫...上面得果一個咁大把有膽黎落場......
做番港澳埠際賽算啦......
呢場實在冇乜心機睇...
以前用埋d強國車黎鬥都仲話睇下成班車手點玩命......
而家用番蓮花就連呢d另類看點都冇埋......
電單車
太早跑...淨係電視睇......
其他
今年紅旗率繼續偏高...幾乎每項賽事都要整次先安樂......
不過雖然如此但係賽程其實冇乜點延誤......
另外...呢次大會其中一樣值得讚0既就係無懼海外d悍婦威嚇......
今年不但繼續有RQ...
大會仲要開左個最佳RQ選舉俾黎採訪0既media投票......
唔知係咪因為咁今年各隊請來的囡囡整體質素都上升左......
特別係GT入面出R35果隊....真係可以話"美女就誇啦啦...部車就......"
亦都因為咁可以睇到四太果邊係幾咁不‧思‧長‧進......
本童子雖然冇份投票...但係都貼下心水三甲啦......
