[肉羊哩咖]

主角係班英國本土士兵，應該全部「未夠稱」嘅（據講當時徵兵最少19歲），口述返由當年點解要入伍，前線嘅經歷，到打完仗嘅事；應該絕大部份都係步兵，只得起碼一個係戰車兵，無海軍亦無空軍，大部份都係生活點滴，真係講到打嘅係好少，嗰度仲要係用插晝表達，但後面感受特別深，講佢哋對戰爭同對敵人嘅感受。

早十幾廿年前好興將啲黑白片加返色重新上畫，大部份觀眾唔受所以停咗，呢度用有少部份效果都係麻麻，但見到畫面上彩色重現，好感動，又好配合班受訪者嘅談話。真係你對戰爭同歷史好有興趣先推介你去睇，唔係可能會覺得非常之悶。