曼聯又有小將出走 鍾達希外借德甲
安祖高美斯約滿離隊後，曼聯短期內再有小將離開。20歲荷蘭翼鋒鍾達希(Tahith Chong)近日向球會表達離隊意向，同時間德甲雲達不來梅提出借用該小將，英國傳媒報道，曼聯已答應將鍾達希外借。
鍾達希於2年前由曼聯青年梯隊升上一隊，不過上陣機會寥寥可數，2年來在各項賽事亮相16次，英超2個球季合共僅上陣3場，因此彼此都唔浪費大家時間，由於鍾達希今年3月剛續約至2022年，故外借到其他聯賽係最佳解決方法。
鍾達希經理人已經幫佢搭晒路，搵到雲達不來梅落腳，對方更承諾會好好栽培佢，安排佢打攻擊型邊鋒。
