引用:
作者: 肉羊哩咖
動畫執返好無窒，細緻度再提升，未必去到電影級數，但以同期電視水準嚟講，叫做相當突出；尤其打火龍嗰度條龍畫得好正，但人嘅動作仲係有時有啲生硬唔自然。
今話有返上季做底，個世界豐富咗，人物關係更仔細，好似法師對仔女同主角，因為立場關係，亦敵亦友關係寫得好，故事個 tone 延續至上季尾，無咗啲粗糙感，男主角摸索自己嘅能力，同細佬嘅成長，舖排都好好；某角黑化預咗，不過個心路歷程都慢慢展現。缺點係女主角除咗打，大部份時間都無乜發揮，變咗半個路人；另一個係上季都無乜表現嘅姑媽，佢條支線更無頭無尾。
今季總共有9話，故事中段發力，一方面將上季留落嚟有部份事件埋尾，二則講返上季某件事事嘅詳細內容，嗰場大戰非常非常之悲壯磅薄有氣勢！
每條線— 魔法師、佢對仔女、男主角同細佬都留咗尾，期待下一季！
|
睇完dragon prince season 2, 感覺主線推進太慢. 9 集過去但原來只係講多左少少咁既感覺.
主角team仍然係好郊遊feel, 但明明係on a mission to stop a war, save the world, 應該日夜兼程披星帶月咁趕路先啱.
