[wing]

作者: 肉羊哩咖

The Boys S3 承接上一季，唔齋玩政治同娛樂圈，對社會議題諷刺深入好多，絕對係賣葯，絕對係左右開弓，但劇本寫得好，本人睇得肉緊過癮，又唔怕被洗腦。人物關係唔會用好長嘅對白，精簡到 point，觀眾立體而總會有件觀眾會同情投入嘅。另一樣好咗嘅係唔會靠第三話嚟個爆鑊，而每一話都有唔同程度鑊爆，幾乎無一話係悶，節奏快又唔亂，就算玩展開，或者無厘頭整場歌舞，觀眾睇得順眼又會唔覺突然。

兩位大主角大部份時間都好超然地掂，可惜某大新角實在太耀眼，搞到有佢個個變配角～ 除咗 Deep 同 Frenchie （後者今季真係幾慘）比較弱之外，個個常駐角式都好有發揮，今季 Starlight 係就熟咗好多，係寫強女角嘅樣版，嗰種對信念嘅堅持執著，相對劇入面大部份班死佬，令人致敬（唔好諗邪嘢），同佢相反嘅 Victoria 今季相對失色咗少少。有啲無乜戲份嘅，好似另一個 Ashley 都唔差。反而有個 S1 以嚟嘅角式真係寫盡，個尾收得好，都替佢開心。講到 Deep，除咗核突同搞笑，唔似 A-Train 咁，編劇繼續唔知點寫佢條線，真係整死咗佢好過～

可惜第四話場「高潮」其實可以玩得再盡啲，除咗玩啲核突笑料（sorry MM），只係引導去尾嗰場大戰，失望咗少少少少，而呢場打鬥絕對係成季最正嗰場，比最終決戰仲好睇。

一邊有 Stranger Things ，另一邊有 The Boys 同 Invincible，唔好再賴落去咩疫情受限制，頭兩套都係呢個環境下拍出嚟。雖然下一季又要等一排，而家好後悔一次過訂鬼咗 D＋ 成年～

話唔定shehulk同whatif s2會好睇呢。