還債。OBI-WAN KENOBI 問題（節錄）：
以下純屬吐糟，不喜勿入
- 個故仔基本係由 Leia 同三妹推動，「主角」Obi-wan 只係跟住去，無個人 agenda，下下為勢所迫。
- 最弊所謂勢，完全係編劇完全監粗整出嚟，班友可以一時間講一樣理由，跟住唔到 15 分鐘完全唔記得曾經有過呢個理由：
- 例子一： E4 - 成個「要塞」見到有大量 TIE Fighter，唔好話無空中巡邏，連真係有敵人來襲，半架都無升空欄截。帝國軍再無能，好似 Rebels 咁，都無咁做過。
- 例子二： E6 - 又話無船可以空間跳躍，點知 Obi-wan 要引開 Darth Vader，有可以有一部固噃！！！
- 編劇啲蠢同懶法，E2 都已經好無謂，算，E4 真係去到極點，係噉抄，但抄得又曳：
- 例子一：潛入去判官要塞嗰度，一半完全照抄 Jedi: The Fallen Order，但個遊戲做好得多；另一半係抄元祖 Star Wars ，效果係點唔洗講
- 例子二：最後又係最精彩嗰幕對決，好多向 Rebels 某一話 Asoka 同 Darth Vader 嗰場致敬，分鏡同動作後者都亮麗太多，未睇又怕難搵到，不妨去你管搵嚟睇。唔係本人 DM 條拎畀各位老細。
- 而啲蠢法：
- 例子一：好喇，個水底通道居然用玻璃，都由你喇，班帝國居然唔怕打爆玻璃，係咁狂射，佢哋唔記得啲鎗有 stun 模嘅咩？呢味嘢唔係元祖嗰度發明，無記錯去到 Clone Wars 時代已經有！！！一來 stun gun 唔會被光劍反彈，亦唔怕打爆玻璃～
- 例子二：成個要塞都進入最高警戒狀態，有個「四腳」人大模大樣四圍行，居然無人發覺？
- 例子三：佢個內應過骨實在太過唔通，一掌打暈個白兵？！
- 例子四：如果三妹一早知個內應係叛徒，又會揼低拷問特登去見佢嘅？
- 例子五：既然三妹「知」Leia 同 Obi-wan 有關係，跟住連 Vader 都好似知，點解之後 Leia 政途可以照平步青雲嘅？
- 例子六：講到三妹，究竟係腦補大王，定係推理天才，還是係好彩到暈唔知喇，先估到捉走 Leia ，佢老豆唔會報官，唔會搵佢啲聯繫暗中查察，而係引到 Obi-wan 出山；跟住可以由一啲零碎片斷，就推斷 Luke 又同啲主角事旦一個，或者兩個都有關～
無氣，就嚟斷氣噉滯。
據傳聞 S2 決定上，睇吓佢呢次會唔會令戲入面啲人全部失晒憶先入元祖劇情。
