[Busconcamp]

曼聯長老同國米傾妥　3日內轉會



曼聯喺今個冬窗仲未簽到新兵，反過來就有球員畀人挖走。意大利傳媒報道，34歲紅魔艾舒利楊格與國際米蘭傾妥個人條件，年薪300萬歐元，預計3日內完成轉會。

《米蘭體育報》報道，國米同楊教授簽約年半，合約至2021年夏天，年薪300萬歐元唔係嘢少，年紀一大把嘅楊格冇理由放棄呢次機會，留喺曼聯獻世。

報道又指，雖然曼聯欠缺左閘，唔希望楊教授離隊，但楊格好想去國米，同兩位前紅魔盧卡古及阿歷斯山齊士團聚，所以如無意外曼聯都會畀佢離隊，因此預計3日內完成交易。