曼聯大勝有代價！拉舒福特傷咗
曼聯上場英超大勝諾域治4:0，前鋒拉舒福特個人梅開二度，但呢位22歲英格蘭國腳踢到59分鐘，就被換走，錯過上演帽子戲法機會。
初時以為係領隊蘇斯克查故意畀佢休息留力，但真相係福仔受咗傷。賽後蘇斯克查話：「拉舒福特今季踢咗好多比賽，佢有些少受傷，所以當時決定換走佢，唔想佢冒險。」
不過，拉舒福特就向球迷大派定心丸：「我的確想完成帽子戲法，但未來幾星期賽程緊密，被換走只係為安全着想，我期待嚟緊周中英足盃重賽上陣對狼隊。」
拉舒福特今季於各項賽事已攻入18球，係曼聯最強進攻武器，蘇斯克查梗係要錫住佢啦。
