[david]

屯門愛定商場街市：為翻新提早終止租戶合約

屯門H.A.N.D.S愛定商場由友愛商場、安定商場及友愛街市合併而成，領展於2012年花5億元翻新，2018年以50.7億元轉售以基匯資本為首的財團。新業主沉寂一年，至去年底終於出招，以翻新為由要求街市商戶在6個月內交還舖位，變相提早終止合約。

王潤枝在友愛街市經營魚檔30年，2017年與領展簽訂3年新租約，並投資裝修及買新車送貨，未料領展不久即出售商場，形容猶如被「賣豬仔」。他稱基匯曾派代表約見商戶，因大部份人合約仍未屆滿，普遍反對出售商場，惟最終仍需提早「交吉」，令他相當無奈，「我哋啲手作仔工作，點可以咁快翻本」，料至少損失數十萬。

在街市經營熟食店的駱卓華，同樣在2017年與領展簽訂3年合約，「我就諗住你翻新咗個場就OK嘅，唔會再話要整啊搞咁多嘢」，尤其做飲食投資大，故收到基匯「最後通牒」頓時失去預算，「咁我話你哋（基匯）會作出啲乜嘢補償，佢話因為跟番合約，都係提前半年通知你。」

駱卓華指出，自己在其他領展商場都有開設熟食檔，「佢（領展）唔會咁樣約都未滿就趕我哋走，我覺得佢呢間基匯就有啲過份囉」，直言基匯資本「真係仲差過領展」。




記者早前到友愛街市實地視察，發現街市內外均相當新淨及光猛，地上亦未見有積水，惟場內有不少空置舖位。一直協助商戶的工黨社區主任林健翔及林明恩表示，曾與基匯代表開會，對方稱街市不夠乾淨及貨品種類單一，所以要收回再翻新，「用咗5年總有少少舊，但其實都仲可以。而家起碼有10間吉舖，係你有冇引入一啲唔同種類嘅商舖入嚟，唔在於裝修問題。」




本身為街坊的林明恩續指，現有「吉舖」已空置多時，不時有人睇舖但始終未有租出，「好懷疑佢係咪特登丟空啲舖，減少人流，令越嚟越少人，佢就可以順理成章收番個街市」。此外亦有消息指，翻新後舖位會由現時40多個劏至60多個，屆時會將街市外判，勢必加租，成本最終轉嫁居民身上。




基匯回覆查詢時表示，為提供更多購物選擇及改善友愛街市環境，將於本年中進行友愛街市設施更新工程，增加商舖數目和種類，改善環境衛生，並已根據合約條款提早6個月通知租戶有關決定，原則上希望現有租戶繼續服務本區居民，並要求街市的營運商優先與現有租戶商討未來安排。不過懷疑因反響太大，基匯上月再次發信通知商戶，將收場期限延長9個月至明年3月。