[肉羊哩咖]

究竟 Venom 有無可能同 Tom Holland 呢個蜘蛛仔 cross-over 先？ Marvel 同 Sony 公開講法都好含糊。後者梗係想喇，近日有人漏咗啲當年（2015）個協議出嚟，堅定流由各位老細定奪～～～

當年兩家 share 蜘蛛仔出嚟入 MCU，首先 Marvel Studio 要科大筆蚊年出嚟比 Sony，而 Marvel Studio 都分返四份一週邊啲收入；重點個協議有次數限制 —— 做主角嘅只有兩部，而客串嘅亦只有三部，啫係話連埋 Far From Home 啱啱好「約滿」。另一個限制係由 Sony share 得出嚟嘅其他配角，唔可以係 Sony 擁有嗰個版本；所以 MCU 個 MJ 而唔係 Sony 手上個位 Mary Jane Watson，而阿媚嬸係個風騷中女唔係阿婆級，連奸角都係咁。

當然唔止咁少限制：一嚟 Marvel Studio 話啲單體片其中一部收唔過十億花旗紙（下同），就無得續約（呢個同其他傳聞有衝突）；同時如果 Sony 唔能夠嚮指定時間內開佢手上嘅角式為主嘅戲，亦都會畀 Marvel Studio 回收返晒佢啲版權。

好喇，就係因為咁，Sony 之後就出咗 Venom，同埋開緊 Morpheus，以保住佢手頭嘅角式，同時，Far Fro Home 一個禮拜都破六仟萬，MCU 怕且都有得留低（有銀大家搵嘛）。但至於最重要究竟同 Venom 有無得同戲，見到 Marvel Studio 咁嘅條款唔多想畀人越食越大份，到頭嚟，唔係除非佢吞埋 Sony Film，咁搞落去啲「主權」就會永久喪失。所以會有幾可能成事，除非 Sony 特登整多件蜘蛛仔出嚟「打自己」，到今日睇落都唔多似有可能，除非雙方訂個條新約講掂到數。

後按：本人唔太信晒，一來 Far From Home 擺到明有下文，二來玩落去 Marvel Studio 都有著數，三則 Sony 真係咁恨有 cross-over，唔係出 Miles 隻 Ultimate，都可以玩 Peter 跌入多元宇宙，睇佢條數點傾嘅啫～