[darkvolver]

作者: 肉羊哩咖

呢度啱啱先有優先場，睇 IMAX 版，畫面同音效一流，尤其鏡頭一直追踪主角，逐啲展開好考功夫，亦因為成個故仔由主角視點出發，令到情節好緊湊，有啲嘢好似無嘢，就係由於視點限制，會突然變成生死存亡嘅考驗！節奏一流，靜都可以好緊張，亦可以變成好平和，又突發地估佢唔到。有評論講得好啱：啲環境對比好大，由地獄到天堂，又可以變返做煉獄，好識得利用音樂，一幕由士兵獨唱好似教堂詠唱，故仔好巧妙咁，由一棵樹開始，亦由另一棵樹結束。成個冒險見盡戰場眾生相，好聰明咁展示戰場嘅殘酷，唔係大量激烈嘅暴力，而係畀個結果，由觀眾想像發生咗咩事；呢樣亦係 JoJo Rabbit 好嘢嘅地方。

演出就無乜好講，反而啲串星最搶鏡。

呢套其實唔算全部都係一鏡過（唔係就要坐足十幾粒鐘），好多位，尤其鏡頭前有啲嘢遮咗，見唔到主角嗰啲位，都可以係剪接位，呢樣唔係新，好似 John Wick 夜總會同 Kingsman 教堂都係咁拍出嚟。

其實過斷橋都係幾人性化，要補幾槍再入去中槍，醒後拍錶表示人係生存緊，因為之前個dead air太耐。