Games Animation Forum

主題: [美劇] 有無人睇Netflix?
查看單個文章
舊 10-31-18, 05:21 PM   #558
肉羊哩咖
God of Gamer
griffin611
 
註冊日期: May 2008
文章: 9,437
The Chilling Adventures of Sabrina

同 Riverdale 同一班製作人,同一個宇宙

好睇,雖然源自九十年代處境喜劇,絕對係黑暗版嘅哈里波特,好多設定雷同,好在無咗哈記啲大毛病(哈記有乜問題好多人講咗好多,雞精版就去睇 Honest Trailer);因為設定主角已經十六歲,咁起碼啲冒險情節合理好多,加上班大人真係做返啲大人會做嘅嘢(咳),每個大人都有自己嘅目的,尤其某兩個人貎合神離,各懷鬼胎,而人界同巫界嘅戲份比重都平衡,最後大魔王個動機未明,但存在感爆燈。

本人唔睇恐怖片,話驚嚇唔係好驚嚇,推展慢咗少少,十集去到第四話先開動,第四話真係好正,但可能係最正嘅一話。

你可能會嫌啲特技認真麻麻,可能話背景無喇喇矇鬼晒好怪,又會話佢太賣弄LGBT同女性主義,甚至「鼓吹」拜魔鬼教要罷睇,不過本人一於唔理,反正本人唔係去上堂,戲好睇就得。

以下有透⋯⋯

最正嘅係大魔王季尾竟然贏咗--女主腳黑化。有舖排唔會太突然,但一入咗會個力量大增,係咪有乜內情?

有人話佢諷刺撤但教,但講到要玩撤但教,點個夠 Lucifer 套戲咁到肉?其實戲入面嘅撤但教,同現實嘅天主教有一樣嘅問題,就係面對信眾流失,睇返都係共教啲洗腦利害。

佢隻黑貓唔識講嘢,爭啲;不過原來個女演員拍落去先知自己對貓有敏感~

Riverdale 無睇,但話有個 crossover cameo。

男友一號係巫婆獵人世家,但呢個禁忌戀無乜著墨發揮,女主腳另一個「男友」無乜發揮,但本人覺佢個動機有啲問題。

女主角(過十八㗎喇)好正,但怪雞三姐妹仲型,外型搶過女主腳好多。Feast of Feasts 以大家姐 Prudence 為主,個身世好扭得好,呢話都好好睇。

有嘢唔明:開頭講女主腳幻覺中見有兩個BB,其中一個畀人攞走,之後佢去到 Limbo 見阿媽唔認佢,加上佢姑媽最終回話佢哋都試過偷咗人哋個女去凑大,啫係女主腳身世另有內情?


__________________
  • 有錯麻煩指正
  • 「我絕不要恐懼。恐懼是會扼殺思維能力的潛伏死神,會徹底毀滅一個人。我要忍,讓它掠過我的身心。之後我睜開心靈眼睛,審視它的軌跡。恐懼如風,風過無痕,惟我依然屹立。」—— Dune

此篇文章於 10-31-18 05:59 PM 被 肉羊哩咖 編輯。
肉羊哩咖 目前離線   回覆時引用此篇文章
 

返回主題: [美劇] 有無人睇Netflix?