1 今話最長，有成41分鐘，又有好多人話會對個主線無推展，唔好當睇緊 limited series 咁睇喇，唔係下下都要擺大龍鳳嘅；今話又講多少少 Maondo 個過去 -- 開始有少少睇 Cowboy Bebop 嘅感覺。唯一嘅分別係，雖然好多轉折，呢度最後都收到錢～
2 今次 Mando 為咗搵路費，走去搵佢個舊拍檔/老細 Ran，條友都幾串，一直呃緊 Mando ，唔係好靠得住。呢一話唔似前兩話，Mando 又玩番無口，幾好
3 跟住介紹其他隊員，Mayfeld 好介意人哋當佢係 Stormtropper，男人老狗，好小器啫。睇嚟呢套嘢好鍾意請啲諧星客串，睇評論先知，繼第一話同第四話，呢度係第三個
4 個位有對角嘅，有同族嚮電影第四部出過；Mando 幾乎出盡法寶都搞唔掂佢（支長鎗去咗邊？），結局要用到「星戰十大武器之首」-- 自動門先得
5 Qi'an 扮 Harley Quinn，都 OK
6 Zero 套杉太渣，太似人扮～～～
7 有角嘅同 Qi'an 一樣，搞喎個任務就幾叻～
8 居有夠胆死跌阿萌B落地？個演員收到死亡恐嚇未？
9 話 Mando 入面其實係個 Gungan 嚟，係星戰粉先識笑
10 佢啲隊友，同埋個犯 Qin，個個都性格鮮明，雖然幾老梗吓，尤其控製室個 Mexican standoff 呢度好出。
11 做新共和國士兵（「蛋頭」）嗰位，係 Clones Wars 入面配 Anakin 位聲優，真人又幾好樣噃。仲有，今話終於有人死，啲評論開心喇？！無聊～
12 唔知啲鎖係點運作，隻機械臂應該無晒動力都開到門？！
13 呢話啲配樂，同埋啲攝影都好正，尤其 Mando 搞掂 Mayfeld 嗰幕
14 Mando 玩不殺，唔係為錢，而係專業態度
15 （萌出沒注意）細路見 Zero 爆咗，以為係自己出手嗰度最萌～
16 最後出現嗰三部新共和國機，應該係舊型嘅 X-Wing（ Mando 唔玩新電影嘅嘢？），而三個駕駛員都係呢部片嘅導演嚟，其中一位仲係今話個導演添（！！！），佢哋唔係就咁叫 pilot A B C，全部有名有姓㗎（ credit 有出），Filoni 唔洗講，其餘兩位都似係 Star Wars fan 屎，乘機玩 cos
17 最後唔知 Ran 同 Qin 死唔死得，本人覺得 Ran 嘅生還機會會大啲啲，不過估佢唔到，死唔去反而被囚嗰三位應該之後會再出場玩報仇預定
18 唔係好明，點解最後 Mando 同細路講：「都話咗你呢個唔係好主意嚟啦」係點解
19 有冇人知最後 Mando 交粒珠畀細路，嗰首音樂係乜名？ iTunes 上面搵唔到，因為從來無細路自己一隻 theme，呢隻幾夾
20 下一話，睇返 IMDB 上面嘅料，Giancarlo Esposito （Breaking Bad、Better Call Saul、The Boys）演嘅 Moff 登場，仲有第四話嘅 Cara Dune，係咪同獵賞公會阿頭 Greff 講和就未知。
