《沉實穩重的化身 低調的二號推進器 - 高華錫》
高華錫可以話係依加車路陣中少有既冠軍級成員，所奪得既「大耳朵盃」次數亦係冠絕全隊，而喺球員既個人特質同級數能力上亦係市場上較為少見，絕對係一名不可多得既中場球員，不過由於高華錫踢法過於低調，所以受到較少球迷所注視，但無疑哩位克羅地亞中場正喺林伯特揮下一步步在進步之中。
近日高華錫接受外界訪問，指出自己離開皇馬既主要原因，除左希望尋求新挑戰外，亦係因為無緣於第三次冠決賽中上陣，令球員感到非常失望而決定出走，最終車路士上季成功以外借形式將佢帶到史丹福橋，當時車路士中場既陣容其實偏向量多質少，除左法比加斯同簡迪能夠保持戰力之外，巴克利、巴卡約高、真禾特等人各自都存在唔少質質問題備受外界質疑，
而喺哩個時候有高華錫同佐真奴既加盟，正正能夠為藍軍薄弱中場帶黎明顯提升。
除左簡迪同佐真奴之外，實力上高華錫可以話高其他球員唔止一班，球員強項在於運球推進，能夠以個人之力持球由己隊半場推到入對手禁區邊緣，個人技術不俗同時護球能力強，亦具備長傳視野，再加上出色既預判同攔截技巧，無論喺進攻定防守上都能為球隊達至平衡，
亦令時任主帥沙利為車路士中場打造簡迪、高華錫以及佐真奴為三中場，前兩者專注於運球推進同覆蓋面，而後者負責控制節奏同發板。
不過經歷過一整季既表現，睇到車路士哩三中場喺攻力輸出上存在不足，高華錫以及簡迪兩者都不善於喺禁區頂區域作遠距離射門及前插，令到藍軍面對住一啲「大巴陣」既對手時少左一道板斧破密集，而自林伯特今季上任後亦明言，會為高華錫等人明強對於遠射既觸角同準繩度，始終喺林伯特仲係球員年代既時候都好喜歡作遠射，而同輩既波歷克、艾辛等元老級亦有哩方面既技能，球隊當時根本不乏遠射球員。
如果高華錫能夠加強埋自己對於埋門既觸角同遠射既意識，就可以再進一步令球壇上再多一位全能中場，而球員依加都只係二十有五，仲有時間可以向上推進，黎緊就要睇球員自己造化喇...
Fanpiece - 藍獅:
https://football.fanpiece.com/bluexl...feature=scroll
