每集有成46分鐘係可以講到好多嘢
不過而家已經播咗6集，都仲係大把伏線未解釋得好。得返2集真係好難咁短時間收晒伏線，感覺佢會有續篇。
第二集見返狡齒同無能座客串。
原來OVA介紹果個金髮靚妹係過嚟向公安局挖角，喺日本挖角完就去埋海外叫返狡齒出山
（同埋硬係覺得編劇好想配無能座同霜月妹妹
）
睇嚟外務省喺呢個世界算係特權階級，外務省行動組嘅人員居然係可以完全唔會被支槍測量到佢哋嘅犯罪系數，咁就解釋到點解殺咗唔少人嘅狡齒可以正當地回國
「彩虹橋」Bifrost源自北歐神話，呢個彩虹橋睇落似係一個有錢佬用嚟賭博名譽財產生命嘅危險賭博遊戲。不過都仲係唔明呢三位有錢佬係純粹因為悶而玩呢個隨時被西比拉捉到嘅亡命遊戲，抑或另有企圖。
中村老婆睇嚟凶多吉少，應該走唔甩被改造成人肉炸彈，上集係咁豎旗。
老婆一攞便當，中村應該會步狡齒同無能座後塵色相惡化淪為潛在犯掛。之後更加可能成為同梶由貴反面嘅導火線都未定，話晒中村阿哥就係懷疑被梶由貴老竇殺害。
