Games Animation Forum

主題: 烏克蘭加油
查看單個文章
舊 12-05-22, 06:51 PM   #1638
肉羊哩咖
God of Gamer
griffin611
 
註冊日期: May 2008
文章: 8,288
阿澤潺講得無錯,每桶 60 皮花旗紙,俄佬只係賺少咗,對佢嘅資金收入無乜防害。

美情報部門公開指,冬季令到烏俄雙方「節奏」減慢落嚟,會等到春季再發動逆襲:
https://thehill.com/policy/internati...ead-of-winter/

公開咁講?情報部門?本人好懷疑有古惑~

首先唔好講有人類歷史以嚟,耐寒嘅民族最鍾意天冷打仗,尤其對手唔係咁習慣冬季。二戰就係一個例子,前蘇聯當中有唔少民族,好似烏克蘭人咁,都係呢種耐寒嘅,蘇聯啲大反攻往往就係趁冬天進行,如果以 1940 年代啲科技都得,無乜理由八十年之後就唔掂。

睇咗條相當長嘅片,講天頭凍對戰爭嘅影響,本人試 TLDR 一下:

美軍界訂以下幾類凍嘅情況(全部以攝氏計):
  • 濕凍:三度至零下七度,雨雪泥混合,相當難搞,行軍,尤其係人肉同輪軚類,特別受影響。人同裝備就反而唔係太大受影響。留意個人啲衣物一旦濕咗,都好容易受凍傷。
  • 乾凍:零下七度至零下廿度,雖然有積雪,但係地下比較硬,方便行軍,當然唔好諗住駛架車過河~~~ 但係人因為保護衣裝(如果夠嘅話),行動唔多靈活,而且人開始因為凍而犯錯,紀律開始有問題,士兵亦開始唔多願主動,指揮官要考慮到點鼓勵士兵,裝備亦會受影響,膠同金屬會變得易脆裂,機器耗油量會大增,而電池會因為天氣而加快用完(去過凍嘅地方影相會明)。
  • 勁凍:零下廿度到零下卅二度,呢個以經係本人想像以外嘅溫度,上面講過嘅情況只會更嚴重,天氣比敵人更可怕,行軍幾乎無可能,呢個天氣,保命比殺敵更重要,更加要注意保暖同埋經常輪替,以保存士卒嘅戰力。
  • 離晒譜咁凍:零下卅二度樓下~~~ 基本上軍隊同天氣一樣,凍結。唔係唔可以行動,不過最後呢兩款天氣,除咗好特殊嘅情況,同部隊裝備同訓練上準備充足,先好諗打。

咁烏克蘭究竟有幾凍,單講頓巴斯地區,平均都係屬濕涷嘅範圍,不便行軍,但呢場戰爭嘅特色係著重炮戰,炸就預佢會持續,雙方斷估都唔會捭對方有時間攤抖休養生息;不過難保有時候溫度會再跌啲,地面比較硬凈嘅時候出擊。拎唔拎到數就睇邊邊準備裝備領導比較好啲。

詳細:
https://www.youtube.com/watch?v=PI3PpsM3NOI


__________________
  • 星期日:魔女 - 星期一:TIK - 星期二:Honest Trailer + Chaisaw Man - 星期三四五六日:悶
  • 「最大嘅失敗,就係唔知點解失敗。」
  • 「我絕不要恐懼。恐懼是會扼殺思維能力的潛伏死神,會徹底毀滅一個人。我要忍,讓它掠過我的身心。之後我睜開心靈眼睛,審視它的軌跡。恐懼如風,風過無痕,惟我依然屹立。」—— Dune
肉羊哩咖 目前離線   回覆時引用此篇文章
 

返回主題: 烏克蘭加油